《《 姑娘的週年紀念》》
每位護士都有一個入職日子
如果無轉工無離職，呢幾粒數字將會跟你一世
appointment date係有意思的：
年資高嘅當然要尊重。
話哂佢食鹽多過你食米，大場面都可以見唔少，識唔識做就另一回事。
嫩嘅豬豬亦唔好睇小。
雖然好想小，但係我發現呢班出入未深嘅嫩豬好多都已經深明篤背脊同擦鞋仔嘅大道理，絕對唔講得小。（詳情請收睇飛狐外傳之九十後新同事）
.
.
.
而我，經歷左數個年頭
一直拼命為醫管局打工
人工當然你睇得好理想
但漸漸發覺呢份工並不是心中理想。
對病人照顧、護理工作只佔小部分
（啲人心諗：屌你，咁大份糧你番工啲時間去左睇護協月刊，訂bicelle/endocare呀？）
sor9ly，我啲時間係用左係處理病人檔案同病人家屬糾紛上。
明明我應該用心鑽研亞公亞婆嘅病歷，協助醫生給予適當治療除病。
而家呢，
我花時間心機去調查各位亞公亞婆亞叔亞嬸亞荗亞柒嘅婆媳糾紛、家屬爭產、溏心風暴⋯⋯各位拖延出院時間嘅招數亦日漸成熟，所以到最後花最多嘅時間唔係醫病，係處理一堆堆關我撚事嘅家事。
.
.
.
所以，每逢呢個紀念日我都不停係度諗
「幾時我就會對呢份工失去興趣，對啲亞婆變得冷酷無情呢？」
「幾時唔會再有興致同亞婆猜枚踼波？」
「幾時唔會再氹亞婆家陣老笠，雙手擺頭?」(目的旨在要亞婆舉起雙手俾我放好張枱)
「幾時唔會再恐嚇亞婆食飯，用*Ryles tube扮蛇嚇亞婆？」
「幾時唔會引誘亞婆腿張開扮生仔開嚟插*foley?」
「幾時會趕住收工拍拍個籮友就走？」
如果做呢份工變得毫無passion，每日只係對住一堆牌板
番工放工⋯⋯
醫院逐漸變成一間間劍橋、康德
毫無質素嘅護理，過後的二三十年會變成點？
屌，講咁多。
其實到最後⋯⋯
可能我好快就變為豬一般嘅隊友。
*Ryles tube: 胃喉
*Foley:尿喉
Search